AFTA por, riba peticion di un participe di mercado, duna un huicio informal encuanto e aplicacion di un stipulacion legal den cual AFTA tin supervision o ta ehecuta. Un huicio asina ta ser yama un ‘opinion informal’ y ta encera un huicio preliminar di AFTA a base di e informacion suministra pa e peticionario. Un opinion informal asina no ta stroba AFTA pa den un fase despues inicia un investigacion o tuma un decision ainda. Esaki significa cu por yega na un otro conclusion si tin informacion nobo cu a yega na su disposicion, y e opinion informal den e sentido ey no ta mara AFTA.

Por publica opinion informal, por ehempel si esaki por contribui na seguridad legal y contenido normativo di e Ordenanza encuanto Competencia. Publicacion di opinion informal ta tuma luga por medio di un publicacion ‘anonimo’ riba website di AFTA. Den esaki, banda di kita di e opinion, informacion confidencial, ta kita tambe informacion for di cual por deduci e identidad di e peticionario.