AFTA

Aruba Fair Trade Authority (AFTA) ta e autoridad independiente encuanto competencia di Aruba. AFTA ta un organismo administrativo independiente, cu personeria huridico. Di e manera aki por garantisa independencia di e autoridad den ehercicio di su tarea, lo miho posibel.

AFTA ta promove y vigila competencia honesto y efectivo na Aruba. Esaki ta encera cu no ta stroba, limita o falsifica competencia entre empresa, y cu empresa no ta abusa nan posicion di poder. Den un mercado efectivamente competitivo, empresa ta haci nan maximo esfuerso pa cumpli cu e necesidadnan di consumidor.

Esaki ta promove prijs mas abao, mas escogencia, miho calidad y producto y servicio nobo y innovativo pa e consumidor. Empresa ta probecha di un ‘level playing field’, un miho clima di inversion y miho oportunidad pa empresa nobo, sin obstaculo di acceso innecesario. E resultado proyecta di esaki ta crecemento economico y mas prosperidad na Aruba.

Tarea principal

AFTA tin como tarea principal, ehecuta e Ordenanza encuanto Competencia (Mededingingsverordening; ‘AB’ [Boletin Oficial]. 2020 nr. 103), en especial a traves di supervision di, y mantenimento di e reglanan legal. AFTA ta dispone, relaciona cu esey, di instrumento efectivo di investigacion y di mantenimento di ley. Ook zal de AFTA de regering gevraagd en ongevraagd adviseren over de gevolgen voor de concurrentie van bestaande en voorgenomen regelgeving.
De nieuwe regels van de Mededingingsverordening gelden vanaf 1 januari 2024.

Mision

E mision di AFTA ta: ‘Laga mercado traha na beneficio di consumidor y empresa na Aruba’. AFTA como autoridad independiente na Aruba, ta garantisa un competencia liber y no falsifica. A traves di ehecucion consistente di e tareanan legal asigna na AFTA, relaciona cu e supervision general di competencia, AFTA ta garantisa cu participantenan na mercado (den cierto caso bao di condicion), por inicia e lucha pa preferencia di e consumidor/cliente. A traves di esaki ta stimula crecemento economico y mas prosperidad na Aruba.

Meta

E meta di AFTA ta e proteccion di competencia, loke ta contribui na aumento di prosperidad. AFTA ta haci esaki pa medio di, un banda, combati comportamento cu ta limita competencia (supervision represivo), y di otro banda, e prevencion di limitacion di obstaculisacion di competencia (supervision preventivo).

Hunta Directivo (Raad van bestuur)

Na cabes di AFTA tin un Raad van Bestuur (e ‘Raad’). E Raad ta responsabel pa garantisa ehecucion eficiente y efectivo di e tareanan di AFTA, cu ta estableci den e Ordenanza encuanto Competencia. Dentro di e Raad ta tuma decision a traves di mayoria di voto. Den caso di empate, e Presidente ta dicidi.

Raad por delega tarea y facultad na e Director, stipula den un reglamento di direccion, aproba pa e Raad. E Raad ta consisti di dos miembro ordinario, entre nan e Presidente, cu ta keda nombra y retira via un decreto nacional (landsbesluit), y (maximo) dos miembro extraordinario proponi pa e miembronan.

Tin exigencia estricto pa e miembronan di Raad relaciona cu nan experiencia (como dirigente y den contenido profesional), nan integridad y independencia. Miembro di Raad ta ser nombra via decreto nacional conforme e procedimento legal y a base di un profil.

Oficina

Raad tin apoyo di un oficina. E oficina di AFTA ta consisti di 6 colaborador y un Director. E Director ta encarga cu maneho diario di e Oficina. Entre e colaboradornan tin 4 investigador (experto riba tereno di derecho di competencia), un manager di operacion y un funcionario di apoyo na management.

Tarea

AFTA ta mantene supervision riba competencia entre empresa cu ta activo riba mercado di Aruba, cu e meta di permiti mercadonan funciona bon pa tur hende. AFTA ta mantene e reglanan di wega cu ta conta pa empresa, a traves di combati practica deshonesto y promove cu nan ta cumpli cu e reglanan. Banda di esey AFTA ta duna informacion tocante e reglanan di wega riba tereno di competencia, di forma cu tur hende conoce e reglanan y por defende nan derechonan.

E intencion ta cu AFTA den futuro lo crece y bira un autoridad di mercado completo, unda no solamente tin e supervision general incorpora, sino tambe cu e ta actua como regulador di mercado y ta proteha consumidor contra practica comercial deshonesto. P’esey, na su debido tempo, AFTA lo ta encarga tambe cu tarea di regularisacion y cu tarea riba tereno di proteccion di consumidor.

Facultad

E facultadnan di AFTA ta estableci den e Ordenanza encuanto Competencia. E reglanan aki ta stipula loke nos mag haci. Con nos ta aplica e facultadnan aki, esey nos a elabora den un serie di documento di maneho.

AFTA por inicia investigacion a base di ‘tip’ specifico. AFTA por recibi e tipnan (anonimo) aki via e website di AFTA o di algun otro manera. Pero tambe notificacion specifico o informacion publico por duna impulso pa inicia investigacion. Por conduci investigacion a base di un acercamento basa riba riesgo. Aplicacion di un acercamento basa riba riesgo ta implica cu ta destina mas atencion na empresa y sectornan cu ta representa un riesgo mas halto pa actuacion cu ta limita competencia. Si nos inicia un investigacion, nos colaboradornan tin un serie di facultad.

Nos colaboradornan por:

• drenta den un luga;
• pidi informacion;
• demanda inspeccion;
• bay cu dato/documentacion.

Esaki no ta conta solamente pa un luga empresarial, sino tambe pa vivienda. Ademas, tur hende ta obliga di coopera cu nos investigacion. Si nos haya corespondencia entre abogado y cliente, anto nos ta laga esaki fuera di e investigacion (privilegio di mantene secreto). Sea cu haya esaki na un bufete di abogado o na e empresa mes.

Mantenimento (di ley)

Si empresa no ta mantene nan mes na regla, nos tin un serie di recurso huridico na nos disposicion pa obliga nan cumpli. AFTA tin, en caso di infraccion di e Ordenanza encuanto Competencia, e facultad di duna empresa boet, impone ‘dwangsom’ (boet coercitivo) y/o duna instruccion di caracter obligatorio pa garantisa cumplimento di e Ordenanza encuanto Competencia. E recursonan aki por ta toca tanto e empresa como persona involucra.

E balor di e boet ta depende di e seriedad y e duracion di e infraccion y e circunstancianan specifico den e caso ey. Ta trata di infraccion o obstaculisacion repititivo di e investigacion? Anto e boet ta resulta mas halto. Pero un boet por resulta mas abao tambe, por ehempel si esnan afecta haya un pago pa daño y perhuicio di esun cu a comete e infraccion. No solamente pa e infractor mes, sino tambe pa otro empresa. E boetnan cu nos ta impone, nos ta publica entre otro via nos website.

Publicacion

Nos por tambe duna advertencia publicamente na empresa cu ta viola e Ordenanza di Competencia. Esaki nos ta haci si esey ta suficientemente efectivo pa stimula e empresanan aki pa stop cu nan infraccion.

No ta disponibel ainda

Actualmente no tin vacatura disponibel.